ویب ڈیسک: ملک دشمن پراپیگنڈا کرنے والوں کیخلاف کریک ڈاؤن کا عندیہ، سکیورٹی اداروں اور ایف آئی اے سائبر کرائم کی مشترکہ ٹیمیں تشکیل دی جائیں گی، جنہیں مکمل اختیار بھی حاصل ہونگے۔
ریاست اور سکیورٹی اداروں کیخلاف پراپیگنڈا کرنے والوں کو گرفت میں لانے کا مشن شروع کرنے کا فیصلہ کر لیا گیا ہے۔ ملک دشمن پراپیگنڈا کرنے والوں کیخلاف کریک ڈاؤن کا عندیہ دیتے ہوئے سکیورٹی اداروں اور ایف آئی اے سائبر کرائم کی مشترکہ ٹیمیں تشکیل دی جائیں گی، ٹیموں کو وفاق اور صوبائی سطح پر گرفتاری و زیرحراست لوگوں سے تفتیش کے مکمل اختیارات حاصل ہوں گے۔
سائبر کرائم سے متعلق ٹیمیں وفاقی حکومت کے ماتحت کام کریں گی، جنہیں پی ٹی اے اور متعلقہ اداروں کی معاونت بھی حاصل ہوگی، ٹیموں میں سائبر سکیورٹی ماہرین بھی شامل ہوں گے، تاکہ معلومات کی جانکاری میں آسانی رہے۔ تفتیشی ٹیمیں ملک کے کسی بھی علاقے میں ریڈ اور گرفتاری کرسکیں گی، تاکہ کسی بحی سطح پر ملک کیخلاف کیا جانے والا پراپیگنڈا روکا جا سکے۔
