ویب ڈیسک: جعلی رسید کیس میں عمران اور بشریٰ کی درخواست ضمانت پر فیصلہ ملتوی کر دیا گیا۔
تفصیلات کے مطابق ڈسٹرکٹ اینڈ سیشن عدالت اسلام آباد میں بانی پی ٹی آئی عمران خان اور ان کی اہلیہ بشریٰ بی بی کے خلاف تھانہ کوہسار میں درج جعلی رسید کے کیس میں ایڈیشنل سیشن جج محمد افضل مجوکا کی رخصت کے باعث درخواست ضمانت پر فیصلہ نہ سنایا جا سکا۔
گزشتہ سماعت پر عدالت نے فیصلہ محفوظ کیا تھا، جبکہ بانی پی ٹی آئی کے دیگر مقدمات کی ضمانتوں پر بحث بھی اس موقع پر ہونا تھی۔ بشریٰ بی بی کی جانب سے ان کے وکلا نے ڈیوٹی جج کے پاس حاضری سے استثنیٰ کی درخواست دائر کر دی۔
اس حوالے سے وکلا نے مؤقف اختیار کیا کہ بشریٰ بی بی پر بے شمار مقدمات درج ہیں، ان میں ضمانتیں کروانی ہیں۔ بانی پی ٹی آئی اور سابق خاتون اول کی درخواست ضمانتوں پر فیصلہ 17 دسمبر کو سنایا جائے گا۔
یاد رہے کہ جعلی رسید کیس میں عمران اور بشریٰ کی درخواست ضمانت پر فیصلہ ملتوی کر دیا گیا۔
