ویب ڈیسک: شام میں باغیوں کے قبضے اور کشیدہ صورتحال کے باعث سینکڑوں پاکستانی زائرین پھنس گئے ۔
بشار الاسد کے ملک سے فرار ہونے کے بعد باغی ملیشیا حیات التحریر الشام نے سرکاری عمارتوں اور ائیر پورٹس کا کنٹرول سنبھال لیاجس کے باعث شام میں تقریباً 250پاکستانی زائرین پھنس کر رہ گئے ہیں۔
کنٹری ہیڈ شام ونگز طارق سمیع اللہ کا کہنا ہے کہ باغیوں نے ملک پر قبضے کے بعد ائیر پورٹ بند کر دیا ہے، ہماری آج لاہور کیلئے پرواز منسوخ ہوئی ہے جبکہ 11دسمبر کی کراچی کیلئے فلائٹ بھی کینسل ہے۔
زائرین کا کہنا ہے کہ شام ونگز کے تحت ائیر لائنز کا آج کا شیڈول واضح نہیں، دمشق کے علاقے سیدہ زینب میں ہوائی فائرنگ کے باعث زائرین میں خوف و ہراس ہے۔
خیال رہے کہ ہر سال لاکھوں کی تعداد میں پاکستانی زائرین مقدس مقامات کی زیارت کے لیے عراق اور شام کا سفر کرتے ہیں۔
