ویب ڈیسک: چیئرمین پی ٹی آئی بیرسٹر گوہر نے بانی عمران خان کی رہائی سے متعلق ان کی بہن علیمہ خان کا دعویٰ مسترد کردیا ۔
نجی ٹی وی چینل سے ٹیلیفونک گفتگو کرتے ہوئے چیئرمین پی ٹی آئی بیرسٹر گوہر کا کہنا تھا کہ میرا 24نومبر یا اس سے قبل حکومت سے کوئی رابطہ نہیں ہوانہ ہی بانی پی ٹی آئی عمران خان سے ملاقات پر کوئی بات ہوئی ۔
بیرسٹر گوہر نے مزید کہا کہ حکومت نے کبھی بھی بانی پی ٹی آئی عمران خان کی 20 دن میں رہائی کاوعدہ نہیں کیا،دھرناختم کرنے کے بدلے عمران خان کی 20دن میں رہائی کی بات غلط ہے۔
انہوں نے واضح کیا کہ میں نے اس حوالے سے کبھی کوئی بات نہیں کی ۔
واضح رہے کہ علیمہ خان نے لاہور میں میڈیا سے گفتگو کرتے ہوئے کہا تھا کہ قافلے پہنچ گئے تو حکومت دبا ئوکا شکار ہو گئی تھی۔
علیمہ خان نے بتایا تھا کہ ، حکومت نے دباؤ میں آکر بیرسٹر گوہرکو عمران خان سے ملاقات کے لیے جیل بھجوایا اور کہا تھا انہیں 20 دن کے اندر رہا کر دیا جائے گا۔
