ویب ڈیسک: خیبر پختونخوا کے ضلع ایبٹ آباد کے سیاحتی مقامات پر ہلکی برفباری شروع ، سب سے زیادہ برفباری چھانگا گلی میں ہوئی ۔
تفصیلات کے مطابق مختلف علاقوں میں بارش اور پہاڑوں پر برفباری کے ساتھ خیبر پختونخوا کے ضلع ایبٹ آباد کے سیاحتی مقامات پر ہلکی برفباری شروع ہوگئی ہے ۔
مقامی ذرائع کے مطابق چھانگا گلی ، خیرا گلی ، نتھیا گلی ، ایوبیہ اور ٹھنڈیانی سمیت دیگر علاقوں میں ہلکی برفباری کے بعد سردی کی شدت میں اضافہ ہو گیا ہے ۔
برفباری کے ایبٹ آباد اور گردو نواح میں ٹھنڈا ہوائی کا راج ہے جس کے باعث موسم انتہائی سرد ہو گیا ہے ۔
دوسری جانب محکمہ جی ڈی اے کی ہیوی مشینری سڑکوں سے برف ہٹانے میں مصروف ہے ۔
