ویب ڈیسک: پشاور کے اندرون شہر گھنٹہ گھر میں دوبارہ مچھلی منڈی قائم کرنے پر مزید 12دکانیں سیل کرکے مالکان کو گرفتار کرلیا گیا ۔
ضلعی انتظامیہ نے اتوار کے کارروائی کرتے ہوئے 317کلو مچھلی فلاحی اداروں کے حوالے کر دیں دکاندارں کو اپنا کاروبار متبادل جگہ پر منتقل کرنے کی ہدایات جاری کردی گئیں ۔
تفصیلات کے مطابق کمشنر پشاور ڈویژن ریاض خان محسود کے احکامات پر اندرون شہر گھنٹہ گھر میں گزشتہ روز دوبارہ مچھلی منڈی قائم کرنے پر 8افراد کو گرفتار کر کے دوکانیں سیل کر دی گئی تھیں جبکہ 134کلو مچھلی قبضہ میں لے کر فلاحی ادارے زمنگ کور منتقل کی گئی تھی ۔
اتوار کے روز کمشنر پشاور ڈویژن ریاض خان محسود کو اندرون شہر عوام کی جانب سے شکایات درج کی گئیں کہ چند دنوں کی خاموشی کے بعد دوبارہ دوکانیں کھل گئی ہیں اور دوبارہ مچھلی منڈی قائم کردی گئی ہے جس پر کمشنر پشاور ڈویژن ریاض خان محسود نے سخت نوٹس لیتے ہوئے ڈپٹی کمشنر پشاور کو فوری کارروائی کے احکامات جاری کئے ۔
اسسٹنٹ کمشنر پشاور کینٹ سید بشارت حسین اور ایڈشنل اسسٹنٹ کمشنر ہیڈکوارٹر عامر شہزاد نے کوتوالی پولیس کے ہمراہ کارروائی کرتے ہوئے کھولی گئی 12دکانوں کو سیل کر کے مالکان کو گرفتار کر کے کوتوالی پولیس کے حوالے کیا گیا جبکہ تحویل میں لئے گئے 317کلو مچھلی کو فلاحی اداروں الخدمت فانڈیشن، ایدھی فانڈیشن اور آغوش ویلفیئر آرگنائزیشن کے حوالے کر دیا گیا ۔گرفتار افراد کو کل کمشنر پشاور ڈویژن کے روبرو پیش کیا جائے گا۔
کمشنر پشاور ڈویژن ریاض خان محسود نے تنبیہ کی کہ مچھلی منڈی کے لیے شہر سے باہر چمکنی میں متبادل مارکیٹ مہیا کیا گیا ہے جہاں پر مچھلی کے کاروبار کے لیے تمام سہولیات فراہم کی گئی ہیں۔
