ویب ڈیسک: شام کی موجودہ صورتحال کے دوران امریکہ اور ترکیہ شامی جنگجو گروپس کی حمایت جاری رکھنے پر متفق ہو گئے ہیں۔ امریکی وزیر دفاع کی جانب سے ترکیہ کے ہم منصب سے ٹیلی فونک رابطہ کیا گیا، اور اس دوران شام کی موجودہ صورتحال پر تفصیلی تبادلہ خیال کیا گیا، دونوں رہنماوں کے مابین ہونیوالی گفتگو کے دوران شام میں حزب اختلاف گروپس کی حیثیت کو اہمیت کا حامل قرار دیا گیا۔
ادھر امریکا کی جانب سے شامی جنگجوؤں کی موجودہ حکمت عملی سے اتفاق کرتے ہوئے کہا گیا ہے کہ شام میں ہتھیاروں کی دیکھ بھال امریکا کے پاس ہے، کیمیائی ہتھیاروں کی دیکھ بھال کیلئے مزید اقدامات کئے جا رہے ہیں، تاکہ مزید کسی قسم کا نقصان نہ ہونے پائے۔ امریکا نے مزید کہا کہ شام میں روسی اڈوں کی موجودہ صورتحال کے بارے میں کچھ نہیں کہہ سکتے۔ ٹیلی فونک بات چیت کے دوران امریکہ اور ترکیہ شامی جنگجو گروپس کی حمایت جاری رکھنے پر متفق پائے گئے۔
