ویب ڈیسک: سست انٹرنیٹ سے فری لانسرز کو ملنے والے کام میں 70 فیصد کمی کا سامنا کرنا پڑ رہا ہے، ذرائع کے مطابق ملک بھرمیں انٹرنیٹ آج بھی سست روی کا شکارہے، جس کے باعث دیگر شعبوں کی طرح آن لائن کام کرنے والے افراد شدید متاثر ہو رہے ہیں۔
اس حوالے سے فری لانسرز دعویٰ کر رہے ہیں کہ سست انٹرنیٹ سے فری لانسرز کو ملنے والے کام میں 70 فیصد کمی آئی ہے۔ ان کا مزید کہنا ہے کہ انٹرنیٹ کی رفتار کم ہونے سے انہیں اسائنمنٹ وقت پر دینے میں مسائل رہتے ہیں، اور اسی وجہ سے کئی فری لانسرز کی پروفائلز بھی بند ہو چکی ہیں۔
ذرائع کے مطابق انٹرنیٹ کی سست رفتاری کے باعث ڈیجیٹل مارکیٹنگ بھی متاثر ہو رہی ہے، اور ڈیجیٹل مارکیٹ کے ماہرین کو خدشہ ہے کہ انٹرنیٹ کے مسائل حل نہ ہوئے تو فری لانسرز کے کلائنٹ کسی دوسرے ملک منتقل ہو جائیں گے۔
