ویب ڈیسک: خیبرپختونخوا کابینہ کے فیصلے کے تحت آئی جی اسلام آباد پولیس پر مقدمہ درج کرانے کے لئے پشاور کے تھانے میں درخواست جمع کرا دی گئی ۔
ذرائع کے مطابق تھانہ شرقی میں آئی جی اسلام آباد کیخلاف ایف آئی آر درج کرنے کیلئے درخواست محکمہ انتظامیہ خیبرپختونخوا کے اسٹیٹ افسر نے جمع کرائی۔
ذرائع کا کہنا ہے کہ درخواست میں کہا گیا کہ اسلام آباد میں خیبر پختونخوا ہاؤس کی املاک کو نقصان پہنچایا گیا اور درخواست میں آئی جی اسلام آباد سمیت 600 پولیس اہلکاروں کیخلاف مقدمہ درج کرکرنے استدعا کی گئی ہے۔
ذرائع نے بتایاکہ درخواست تھانا شرقی پشاور کے ایس ایچ او کے پاس جمع کرائی گئی، اسٹیٹ افسر نے درخواست جمع ہونے کی ریسیونگ بھی لی۔
درخواست میں موقف اپنایا گیا کہ خیبر پختونخوا ہاؤس خیبرپختونخوا حکومت کی ملکیت ہے، آئی جی اسلام آباد کی سربراہی میں پولیس نے5 اکتوبر کو کچھاپامارا اور چھاپے کے دوران کے پی ہاؤس میں توڑ پھوڑ کی گئی، کئی افراد زخمی بھی ہوئے۔
خیال رہے کہ5 اکتوبر کو پی ٹی آئی کی احتجاج کی کال پر وزیراعلی خیبر پختونخوا علی امین گنڈا پور کا قافلہ اسلام آباد میں پہنچا تھا اور وہ خیبرپختونخوا ہاؤس چلے گئے تھے۔
پولیس اور رینجرز نے کے پی ہائوس میں چھاپہ مارا تھا تاہم علی امین گنڈاپور روپوش ہونے کے 24 گھنٹے بعد منظر عام پر آئے تھے۔
