ویب ڈیسک: خیبر پختونخوا حکومت نے 25دسمبر کو مینار پاکستان پر ڈی چوک شہدا کی دعائیہ تقریب منعقد کرنے کا اعلان کیا ہے ۔
معاون خصوصی سہیل آفریدی نے صوبائی اسمبلی اجلاس کے دوران دعائیہ تقریب کا اعلان کرتے ہوئے کہا چیلنج کیا کہ ن لیگ بھی جلسہ کرلے اور ہم بھی، اس روز آپ کے جلسے سے زیادہ لوگ نکلیں گے اور ثابت کریں گے کہ وہ عمران خان کے ساتھ ہیں۔
معاون خصوصی نے کہا کہ26نومبر کو ڈی چوک میں نہتے لوگوں پر گولیاں برسائی گئیں یہاں اخلاقی اقدارختم ہوچکے ہیں کچھ لوگ دوسروں کے احسانات تلے دب چکے ہیں جوحق کی بات تک نہیں کرسکتے ہم اپنا آئین و قانونی حق لینے ڈی چوک گئے تھے۔
انہوں نے کہا کہ اگر عمران خان کو ناحق جیل میں نہ ڈالا گیا ہوتا تو ہم اسلام آباد نہ جاتے، پچھلے ڈھائی برس سے قانون کا دروازہ کھٹکھٹارہے ہیں لیکن ہمیں انصاف نہیں مل رہا۔
سہیل آفریدی نے کہا کہ 25دسمبرکو لاہور مینار پاکستان میں شہدا کیلئے دعائیہ تقریب منعقد کریں گے اس کے مقابلے میں آپ بھی پنجاب میں جلسہ کرلیں اگرہمارے لوگ زیادہ نہ ہوئے تو استعفی دے دیں گے۔
انہوں مزید کہنا تھا کہ کہا کہ ہم ججز مداخلت پر خطوط لکھ رہے ہیں اتنے عرصہ مزاحمتی تحریک کسی نے نہیں چلائی جو پی ٹی آئی ورکرز نے انجام دی، ہماری سیاسی لیڈرشپ بے گناہ قید میں ہے۔
انہوں نے کہا کہ پشتون ہمیشہ ظلم کے خلاف کھڑا ہوا ہے ہم نے کسی کی غلامی نہیں کی ہے، پشتونوں کے سروں کی قیمت ادا کرنے والے آج ہمیں درس دیں گے۔
جے یو آئی کی رکن صوبائی اسمبلی ریحانہ اسماعیل کی جانب سے کی نشاندہی کے بعد اجلاس آج بروزمنگل تک کیلئے ملتوی کردیاگیا۔
