ویب ڈیسک: کاروباری ہفتے کے آغاز کے ساتھ ہی سٹاک ایکسچینج میں نیا ریکارڈ بن گیا، گزشتہ روز کے ریکارڈ سے بھی ایک قدم آگے جاتے ہوئے 100 انڈیکس ایک لاکھ 11 ہزار پوائنٹس کی سطح بھی عبور کر گیا۔
کاروباری ہفتے کے دوسرے روز گزشتہ روز کی طرح مندی کی بجائے کاروبار کے آغاز پر ہی زبردست تیزی دیکھنے میں آئی، ٹریڈنگ کے دوران پاکستان سٹاک ایکسچینج میں 1000 سے زائد پوائنٹس کا اضافہ دیکھا گیا، جس کے ساتھ سٹاک ایکسچینج میں ہنڈرڈ انڈیکس ایک لاکھ 11 ہزار 14 پوائنٹس کی بلند ترین سطح کو چھونے لگا ہے۔
یاد رہے کہ کاروباری ہفتے کے پہلے روز پاکستان سٹاک ایکسچینج میں کاروبار کا مثبت رجحان دیکھا گیا حالانکہ اس دن ابتداء میں منفی رجحان تھا تاہم بعد ازاں اس میں تیزی دیکھی گئی، جس کے باعث 100 انڈیکس 916 پوائنٹس اضافے کیساتھ ایک لاکھ 9 ہزار 970 پوائنٹس کی بلند ترین سطح پر بند ہوا تھا۔
