ویب ڈیسک: مالم جبہ اور فضل گارڈن کیس میں عاطف خان کے وارنٹ گرفتاری معطل کر دیئے گئے۔
تفصیلات کے مطابق پشاور ہائیکورٹ کے جسٹس صاحبزادہ اسد اللہ اور جسٹس وقار احمد نے پی ٹی آئی کے رکن قومی اسمبلی عاطف خان کی درخواست پر سماعت کی۔ دوران سماعت وکیل درخواست گزار نے مؤقف اپنایا کہ پی ٹی آئی کے رکن قومی اسمبلی کے خلاف بدنیتی پر مبنی کیس بنایا گیا ہے۔
بعدازاں عدالت نے مالم جبہ اور فضل گارڈن کیس میں عاطف خان کے وارنٹ گرفتاری معطل کردیئے اور اینٹی کرپشن کو عاطف خان کی گرفتاری سے روک دیا۔ یاد رہے اینٹی کرپشن نے عاطف خان کو کال آف نوٹس اور وارنٹ گرفتاری جاری کیا تھا۔
