ویب ڈیسک: پاکستان تحریک انصاف کے رہنما شیر افضل مروت نے قومی اسمبلی اجلاس میں اظہار خیال کرتے ہوئے کہا ہے کہ 26نومبر کو ہم پر گولیاں کیوں چلائی گئیں، اس بات کی وضاحت کی جائے، ان کا کہنا تھا کہ پشتونوں کے ساتھ ناروا سلوک کیا جا رہا ہے، علی امین گنڈاپور آخری وقت تک بشریٰ بی بی کے ساتھ کھڑے رہے۔
رہنما پی ٹی آئی کا کہنا تھا کہ مارا بھی ہمیں، زخمی بھی ہم ہوئے اور مقدمات بھی ہمارے خلاف بنائے جا رہے ہیں۔ ہمارے ارکان عدالتوں کے چکر لگا رہے ہیں، ایسے غریبوں پر مقدمے بنائے جا رہے ہیں، جن کا پی ٹی آئی سے کوئی تعلق ہی نہیں۔
شیر افضل مروت نے کہا کہ حکومتی اراکین بانی پی ٹی آئی عمران خان کو مجرم کہہ کر صرف ہمارا موڈ خراب کرتے ہیں، حکومت نے ہمیں مارا اور ہماری املاک بھی لوٹیں۔ ان کا کہنا تھا کہ 26نومبر کو ہم پر گولیاں کیوں چلائی گئیں، اس بات کی وضاحت کی جائے۔
