ویب ڈیسک: دفتر خارجہ کی ترجمان ممتاز زہرہ بلوچ نے ہفتہ وار بریفنگ کے دوران کہا ہے کہ کشیدگی میں کمی اور شام کی خود مختاری کا احترام کرنا چاہیے، شام کی موجودہ صورتحال علاقائی امن کے لیے خطرہ ہے۔
اسلام آباد میں ترجمان دفتر خارجہ کا میڈیا بریفنگ میں کہنا تھا کہ شام کی موجودہ صورتحال علاقائی امن کے لیے خطرہ ہے، شام میں امن اور سکیورٹی کا قیام نہایت ضروری ہے۔
فلسطین کے حوالے سے انہوں نے کہا کہ اسرائیل سے فلسطینی علاقے خالی کرنے کے اقوام متحدہ کے مطالبے کی حمایت کرتے ہیں، ان کا کہنا تھا کہ غزہ میں فلسطینیوں کا قتل عام فوری طور پر بند کیا جائے، یہ ظلم کی انتہاء ہے۔
ممتاز زہرہ بلوچ کا کہنا تھا کہ غزہ میں انسانی المیے کا نوٹس عالمی برادری کو لینا چاہئے، انہوں نے پریس بریفنگ کے دوران مزید کہا کہ کشتواڑ میں کشمیریوں کی جائیدادوں پر بھارتی قبضے کی مذمت کرتے ہیں۔
