ویب ڈیسک: ایف آئی اے نے واٹس ایپ اکاؤنٹ ہیک ہونے کے خدشے کے پیش نظر شہریوں کو خبردار کردیا ۔
ایف آئی اے نے شہریوں کو خبردار کرتے ہوئے بتایا ہے کہ تصدیقی کوڈز کا اشتراک کسی بھی فرد سے نہ کریں اس سے واٹس یپ اکاؤنٹ ہیک ہوجاتا ہے۔
ایف آئی نے اس حوالے سے بتایا ہے کہ دھوکہ دہی میں ملوث عناصرمختلف اداروں سے تعلق ظاہرکرکے عوام کو نشانہ بنارہے ہیں۔
دھوکہ دہی میں ملوث عناصراپنا تعلق ہائیر ایجوکیشن کمیشن، پاکستان میڈیکل اینڈ ڈینٹل کونسل اورپاکستان انجینئرنگ کونسل سے ظاہرکرکے شہروں سے بذریعہ سوشل میڈیا پلیٹ فارمز رابطہ کررہے ہیں۔
ایف آئی اے کے مطابق یہ عناصرخود کواعلیٰ تعلیمی اداروں کیاہلکار بن کرعوام کونشانہ بنارہے ہیں،کسی بھی شہری کو ورغلانے کے لیے ڈگری کی تصدیق کرنے اورکوڈ بھیجنے کا اصرارکرتے ہیں، ان غیرمتعلقہ لوگوں کو کوڈ شئیرہوتے ہی واٹس ایپ اکائونٹ ہیک ہوجاتا ہے،پھرہیک شدہ نمبرزکے قریبی افراد کے ساتھ دھوکہ دہی کا عمل شروع ہوجاتا ہے۔
ایف آئی اے نے کہا ہے کہ ایسی صورتحال میں عوام محتاط رہیں اورکسی غیرمعمولی صورتحال میں سائبرکرائم ونگ کواطلاع دی جائے ۔
