ویب ڈیسک: مقبوضہ کشمیر پر بھارتی تسلط کیخلاف برطانوی پارلیمنٹ میں بھِی صدائیں بلند ہونے لگیں۔ برٹش پارلیمنٹ کے منعقدہ ایک کانفرنس میں مقررین نے جموں و کشمیر میں لوگوں کی حالت زار پر روشنی ڈالتے ہوئے کشمیریوں کے ناقابل تنسیخ حق اور حق خود ارادیت کی بھرپور حمایت کی۔
میڈیا رپورٹ کے مطابق جموں و کشمیر لبریشن فرنٹ برطانیہ زون کے زیر اہتمام منعقدہ کانفرنس میں تنظیم کے عہدیداروں، اراکین پارلیمنٹو دیگر نے شرکت کی، کانفرنس کی میزبانی ایم پی رچرڈ برگن اور لبریشن فرنٹ یو کے زون کے آرگنائزر امجد نواز نے کی۔
مقبوضہ کشمیر پر بھارتی تسلط کیخلاف برطانوی پارلیمنٹ میں صدائیں بلند ہونے لگیں، دوران اجلاس ارکان پارلیمنٹ لیام برن اور ریچل ہاپکنز نے کشمیریوں کے حق خودارادیت کی بھرپور حمایت کا اظہار کیا اور مقبوضہ علاقے میں انسانی حقوق کی خلاف ورزیوں کی مذمت کی۔
ایم پی طاہر علی نے تارکین وطن کشمیریوں پر زور دیا کہ وہ متحد ہو کر پارلیمنٹ میں اپنی آواز بلند کریں، رکن پارلیمنٹ ڈیبی ابراہمز نے لبریشن فرنٹ کے چیئرمین محمد یاسین ملک اور انسانی حقوق کے کارکن خرم پرویز کی غیر قانونی حراست سے رہائی کے حوالے سے اپنی کوششوں کے بارے میں بتایا۔
پارلیمنٹ کے رکن محمد یاسین نے کشمیر کی وکالت کو مضبوط بنانے کے لیے برطانیہ کی بڑی سیاسی جماعتوں کے ساتھ تعلقات استوار کرنے کی اہمیت پر زور دیا۔یاد رہے کہ مقبوضہ کشمیر پر بھارتی تسلط کے خلاف برطانوی پارلیمنٹ میں بھِی صدائیں بلند ہونے لگیں۔
