ویب ڈیسک: ملک بھر میں ٹین بلین ٹری منصوبہ میں ایک ارب 8 کروڑ کم پودے لگانے کا انکشاف کیا گیا ہے۔
گرین پاکستان پروگرام (سابق ٹین بلین ٹری سونامی پروگرام) کے تحت ملک بھر میں ایک ارب سے زائد کم پودے لگائے جانے کا انکشاف کیا جانے لگا ہے۔ گرین پاکستان پروگرام کے تحت ملک بھر میں ہدف کے 3 ارب 29 کروڑ 60 لاکھ کے مقابلے میں 2 ارب 21 کروڑ 20 لاکھ پودے لگائے جا سکے ہیں۔
ریکارڈ کے مطابق ٹین بلین ٹری منصوبہ میں ایک ارب 8کروڑ 40 لاکھ پودے ہدف سے کم لگائے گئے ہیں۔ سرکاری دستاویز میں بتایا گیا ہے کہ پی سی ون کے تحت جب سے ٹین بلین ٹری سونامی پروگرام شروع ہوا ہے تو کسی سال بھی مطلوبہ ہدف کے مطابق پودے نہیں لگائے جا سکے۔
بلوچستان میں سب سے کم 22فیصد اور سب سے زیادہ سندھ میں 85 فیصد پودے لگائے گئے ہیں، اس طرح ملک بھر میں ہدف کے مقابلے میں 67 فیصد پودے لگائے جا سکے ہیں۔ گرین پاکستان پروگرام میں ملک بھر میں ہدف کے 3 ارب 29 کروڑ 60 لاکھ پودے لگانے تھے۔
