ویب ڈیسک: بشارالاسد کی شام سے فرار میں روسی وزیر خارجہ نے کردار ادا کیا، اس انکشاف سے کہانی نے نئی سمت لے لی۔
ذرائع کے مطابق معزول صدر دفتر سے گھر جانے کا کہہ کر ایئرپورٹ چلے گئے، فرار میں اہم کردار روسی وزیر خارجہ سرگئی لاروف نے ادا کیا، بشارالاسد شام سے فرار سے قبل فوجی کمانڈرز کو روس کی مدد پہنچنے کا یقین دلاتے رہے۔
بشارالاسد نے میڈیا ایڈوائزر کو تقریر لکھوانے کیلئے صدارتی محل بلوایا اور خود غائب ہو گئے، بشار الاسد نے فرار کا منصوبہ سینئر اہلکاروں اور اپنے رشتے داروں سے بھی پوشیدہ رکھا۔
بشار الاسد کا طیارہ دمشق سے پرواز بھر کر لاذقیہ شہر میں روسی فضائی اڈے پہنچا جہاں سے وہ روس گئے، بشار الاسد کی اہلیہ اسما اسد اور ان کے 3 بچے پہلے ہی ماسکو میں موجود تھے۔ یاد رہے کہ سابق شامی صدر کی ملک سے فرار میں روسی وزیر خارجہ نے کردار ادا کیا، اس انکشاف سے کہانی نے نئی سمت لے لی۔
