ویب ڈیسک: فرانس میں مہاجر کیمپ پر فائرنگ کے نتیجے میں 4افراد ہلاک ہو گئے ۔
غیر ملکی میڈیا کے مطابق فائرنگ کا واقعہ فرانس کے شمالی شہر ڈنکرک کے قریب قائم مہاجر کیمپ میں پیش آیا جہاں مسلح شخص نے فائرنگ کر دی،اطلاع ملتے ہی پولیس اور ایمبولینس سروس فوری موقع پر پہنچ گئیں، جنہوں نے لاشوں کو ہسپتال پہنچایا۔
فائرنگ کے نتیجے میں4افرادہلاک ہوئے، مرنے والوں میں 2 سکیورٹی اہلکار اور 2 تارکین وطن شامل ہیں۔
فائرنگ کرنے کے بعد حملہ آور نے خود کو پولیس کے حوالیکردیا اور شہریوں کو مارنے کا اعتراف بھی کیا۔
میڈیا رپورٹس کے مطابق پولیس نے کارروائی کے دوران حملہ آور کی گاڑی سے مزید 3 ہتھیار بھی برآمد کر لیے جبکہ فائرنگ کرنے کی وجہ معلوم نہیں ہو سکی۔
دوسری جانب مہاجرین کی ہلاکت پر اس حوالے سے فرانسیسی وزارت داخلہ کا بیان تاحال سامنے نہیں آ سکا۔
