ویب ڈیسک: شام پر اسرائیلی حملوں میں شدت ریکارڈ کی جانے لگی ہے، شام میں حکومت تبدیل ہوتے ہی نیتن یاہو نے گولان پہاڑیوں پر آبادکاری کا خصوصی پلان منظور کرا لیا۔ شام کے مقبوضہ علاقوں میں یہودی آبادکاری کے توسیعی منصوبے پر عملدرآمد کیلئے وزیراعظم نیتن یاہو نے اسرائیلی حکومت سے منظوری بھی لے لی۔
دوسری جانب شام پر اسرائیل کے فضائی حملے جاری ہیں، صہیونی فوج کی جانب سے شام کی فوجی تنصیبات، ہوائی اڈوں، اسلحہ گوداموں پر ایک ہفتے میں 8 سو بار بمباری کی گئی، جس سے علاقے کا انفراسٹکچر ملیا میٹ ہونے لگا ہے۔ اسرائیلی افواج نے جنوبی شہر قنیطرہ کا سارا انفرااسٹرکچر تباہ اور تین شامی قصبوں پر بھی قبضہ کر لیا۔
اسرائیل کی ہٹ دھرمی پر ایرانی فوج کے کمانڈر حسین سلامی نے انتباہ دیتے ہوئے کہا کہ صیہونی شامی علاقوں پر قبضے کی بھاری قیمت چکائیں گے، شام اسرائیلی فوج کا مدفن بنے گا، یاد رہے کہ شام پر اسرائیلی حملوں میں شدت ریکارڈ کی جانے لگی ہے، شام میں حکومت تبدیل ہوتے ہی نیتن یاہو نے گولان پہاڑیوں پر آبادکاری کا خصوصی پلان منظور کرا لیا۔
