ویب ڈیسک: یونان کشتی حادثے میں 4پاکستانیوں کے جاں بحق ہونے کی تصدیق ہو گئی ہے ۔
ترجمان دفتر خارجہ ممتاز زہرا بلوچ نے کہا کہ یونانی حکام کی جانب سے شیئر کی گئی تازہ ترین معلومات کے مطابق ہلاک ہونے والوں میں 4پاکستانیوں کی شناخت ہوگئی ہے۔
ترجمان دفتر خارجہ ممتاز زہرا بلوچ نے بتایا کہ زندہ بچ جانے والے 5 تارکین وطن کو اسمگلر کے طور پر گرفتار کرلیا گیا۔
یونان کے جنوبی جزیرے کریتی کے قریب تین کشتیاں الٹنے سے پانچ تارکین وطن جاں بحق اور 40 لاپتا ہوگئے تھے، جبکہ 39 افراد کو زندہ بچا لیا گیا، جن میں زیادہ تر پاکستانی ہیں۔
ترجمان دفتر خارجہ ممتاز زہرا بلوچ نے کہا کہ یونانی حکام کی جانب سے شیئر کی گئی تازہ ترین معلومات کے مطابق ہلاک ہونے والوں میں 4پاکستانیوں کی شناخت ہوگئی ہے۔
ہفتے کو5 افراد کو مردہ حالت میں نکالا گیا، جبکہ ایک شخص کو تشویش ناک حالت میں ہسپتال میں داخل کردیا گیا ہے۔
پاکستان کی وزارت خارجہ کے مطابق 47 پاکستانیوں کو ریسکیو کرلیا گیا، فی الحال لاپتہ افراد کی تعداد کا تعین نہیں کیا جاسکتا۔
ترجمان کے مطابق لاپتہ پاکستانی افراد کے متاثرین کیلئے ہیلپ لائن نمبر جاری کردیا گیا ، متاثرہ خاندان 6943850188-0030 پر رابطہ کرسکتے ہیں۔
ترجمان نے مزید بتایا کہ ہمارا سفارت خانہ یونانی حکام کے ساتھ رابطے میں ہے تاکہ بچ جانے والوں کو سہولیات فراہم کی جا سکیں اور لاشوں کو وطن واپس پہنچایا جا سکے۔
