ویب ڈیسک: ہائیکورٹس میں ججز کی تعیناتیوں کے لئے رولز کی منظوری دے دی گئی جس کے بعد معاملہ جوڈیشل کمیشن کو ارسال کردیا گیا ۔
تفصیلات کے مطابق ہائیکورٹ میں ججز کی تعیناتیوں کے لئے رولز بنانے کے حوالے سے سپریم کورٹ کے جسٹس جمال خان مندو خیل کی زیر صدارت کمیٹی کا اجلاس منعقد ہوا ۔
اجلاس میں وفاقی وزیر قانون اعظم نذیر تارڑ ، اٹارنی جنرل نے شرکت کی، اجلاس میں بیرسٹر علی ظفر اور فاروق ایچ نائیک اور ممبر پاکستان بار کونسل اختر حسین بھی شریک ہوئے۔
کمیٹی نے رولز کی منظوری دے کر حتمی منظوری کے لیے معاملہ جوڈیشل کمیشن کو ارسال کر دیا، 32 رکنی جوڈیشل کمیشن کے اجلاس میں 21دسمبر کو حتمی منظوری دی جائے گی۔
