ویب ڈیسک: امریکی ریاست وسکونسن کے ایک سکول میں فائرنگ کے نتیجے میں 5افراد ہلاک جبکہ5زخمی ہو گئے ۔
غیر ملکی میڈیا کے مطابق فائرنگ کا واقعہ امریکی ریاست وسکونسن کے شہر مڈیسن کے اسکول میں پیش آیا،جس میں 5افراد ہلاک اور5زخمی ہوئے ہیں، لاشوں اور زخمیوں کو ہسپتال منتقل کردیا گیا ہے۔
امریکی میڈیا کے مطابق مقامی پولیس نے واقعیکی تصدیق کرتے ہوئے شہریوں سے اپیل کی کہ وہ اسکول کی طرف جانے سے گریز کریں۔
پولیس کے مطابق سکول میں فائرنگ سے ہلاک ہونے والوں میں مشتبہ حملہ آور بھی شامل ہے، فائرنگ کرنے والا مشتبہ حملہ آور ممکنہ طور پر سکول کا طالب علم تھا۔
فائرنگ کے واقعے میں مرنے والے باقی 4 افراد کے بارے میں مزید معلومات سامنے نہیں آئیں۔
پولیس کا کہنا ہے کہ واقعے سے متعلق مزید تحقیقات کی جارہی ہیں اور اس حوالے سے حاصل شدہ معلومات عوام کے سامنے لائی جائیں گی۔
