ویب ڈیسک: وفاقی وزیر داخلہ محسن نقوی نے کہا ہے کہ شانگلہ میں پولیس چوکی پر حملے کی مذمت کرتے ہوئے کہا ہے کہ دہشتگردی کیخلاف خیبرپختونخوا پولیس کی قربانیاں ناقابل فراموش ہیں۔
وفاقی وزیرداخلہ محسن نقوی نے دہشتگردوں کے حملے کی شدید الفاظ میں مذمت کی اور فائرنگ سے جام شہادت نوش کرنے والے 2 پولیس اہلکاروں کو خراج عقیدت پیش کیا ۔
وزیرداخلہ محسن نقوی نے اے ایس آئی حسن خان اور ہیڈ کانسٹیبل نثار خان کی شہادت پر دکھ و افسوس جبکہ شہدا کے خاندانوں سے دلی ہمدردی و اظہار تعزیت کا اظہار کیا۔
محسن نقوی کا کہنا تھا کہ زخمی ہونے والے 3 پولیس اہلکاروں کی جلد صحتیابی کیلئے دعا گو ہوں، خیبرپختونخوا پولیس کے اے ایس آئی حسن خان اور ہیڈ کانسٹیبل نثار خان نے شہادت کا اونچا رتبہ پایا، شہدا ہمارا سرمایہ افتخار ہیں، شہدا کے خاندانوں کے ساتھ کھڑے ہیں۔
