ویب ڈیسک: غزہ میں اسرائیلی فورسز کی بربریت بدستور جاری ہے، گزشتہ24گھنٹوں کے دوران تازہ حملوں میں مزید 53فلسطینی شہید جبکہ 203زخمی ہوگئے۔
عرب میڈیا کے مطابق شہری دفاع کی چوکی پر اسرائیلی فضائی حملے میں الجزیرہ کا کیمرہ مین اور 5 امدادی کارکن چل بسے۔
جنوبی خان یونس میں احمد بن عبدالعزیز سکول پر صیہونی فوج کی بمباری میں 20افراد شہید جبکہ متعدد زخمی ہوئے جبکہ خان یونس میں ہی گھر پر ایک اور صیہونی حملے میں 15 فلسطینی شہید ہوگئے۔
واضح رہے کہ گزشتہ روز شمالی بیت ہنون کے اسکول پر اسرائیلی حملے میں 43 فلسطینی شہید ہوئے تھے، شہدا کی مجموعی تعداد 45 ہزار 28 ہوگئی،1لاکھ 6 ہزار 962 فلسطینی زخمی ہو چکے ہیں۔
