ویب ڈیسک: صوبائی دارالحکومت پشاور میں ٹماٹر کی قیمت میں بڑا اضافہ ، فی کلو 160روپے تک پہنچ گئے ۔
ذرائع کے مطابق سرکاری نرخنامے میں ایک دن میں ٹماٹر کی فی کلو قیمت میں 30روپے کا اضافہ ہو گیا ہے جس کے بعد ٹما ٹر کی فی کلو قیمت 130سے بڑھ کر 160روپے تک پہنچ گئی ہے۔
سرکاری نرخنامے کے مطابق آلو کی فی کلو قیمت 120 روپے مقرر کی گئی ہے، پیاز کی قیمت 140 روپے مقرررکھی گئی ہے۔
لہسن کی فی کلو قیمت 620 روپے، ادرک کی فی کلو قیمت 400 روپے جبکہ شملہ مرچ کی فی کلو قیمت 130 روپے مقرر کی گئی ہے۔
واضح رہے کہ ملک کے دیگر شہروں میں فروٹ اور سبزیوں کے ریٹ مختلف ہیں، کہیں سرکاری نرخوں پر فروخت جاری ہے تو کہیں من مانی قیمتیں وصول کی جا رہی ہیں۔
