ویب ڈیسک: مدارس رجسٹریشن کے حوالے سے متحدہ فضل الرحمان کو منانے کیلئے متحرک ہو گئی ہے۔ اس حوالے سے ڈاکٹر خالد مقبول صدیقی کی سربراہی میں گورنر سندھ کامران ٹیسوری، ڈاکٹر فاروق ستار اور سید امین الحق پر مشتمل ایم کیو ایم وفد نے اسلام آباد میں مولانا فضل الرحمان کی رہائش گاہ پہنچ کر ان سے ملاقات کی۔
قائد جمیعت مولانا فضل الرحمان ایم کیو ایم وفد سے ملاقات کے بعد بھی مدارس رجسٹریشن ایکٹ پر اپنے مؤقف سے پیچھے نہیں ہٹے، جبکہ ملاقات کے دوران ایم کیو ایم نے مولانا کے مطالبات کو جائز قرار دے دیا۔ مولانا فضل الرحمٰن کا اس موقع پر کہنا تھا کہ مدارس کے معاملے کو ایوان صدر نے الجھایا ہے۔
مولانا فضل الرحمان نے کہا کہ دینی مدارس ایکٹ پر نوٹیفکیشن کا مطالبہ کر رہے ہیں، ایم کیو ایم ہمارا مطالبہ حکومت تک پہنچا دے۔ مولانا نے اپوزیشن اور حکومت کے مذاکرات پر اپنا کردار بھی واضح کر دیا ہے۔
حکومت اور اپوزیشن میں مذاکرات کے حوالے سے پوچھے گئے ایک سوال کا جواب دیتے ہوئے مولانا فضل الرحمان نے کہا کہ جو بات مجھ تک نہیں پہنچی اس پر فی الحال تبصرہ نہیں کرسکتا۔ خالد مقبول صدیقی نے کہا کہ مولانا کے پاس بہت دلیلیں ہیں، ان کا پیغام آگے پہنچائیں گے۔
یاد رہے کہ مدارس رجسٹریشن کے حوالے سے متحدہ فضل الرحمان کو منانے کیلئے متحرک ہو گئی ہے۔ اس حوالے سے ڈاکٹر خالد مقبول صدیقی کی سربراہی میں ایم کیو ایم وفد نے اسلام آباد میں مولانا کی رہائش گاہ پر ان سے ملاقات کی۔
