ویب ڈیسک: اسرائیل کی جنوبی شام میں پیش قدمی حکومت بدلنے کےبعد سے لے کر اب تک جاری ہے، اس دوران اسرائیلی فوج نے دریائے یرموک پر قبضہ کا دعویٰ کر دیا ہے، جبکہ اسرائیل کی جانب سے مقبوضہ گولان کے علاقے قلمون میں بھی بمباری کی گئی ہے۔
ادھر ایران کے سپریم لیڈر آیت اللہ خامنہ ای کا کہنا ہے کہ شام میں کیے گئے اقدامات سے صیہونی حکومت کو مزاحمت ختم ہونے کی غلط فہمی ہوگئی ہے، حالات بدلے ضرور ہیں لیکن جو ان کے ساتھ ہونے جا رہا ہے، یہ اس کا ادراک نہیں کرتے۔ انہوں نے کہا کہ حزب اللہ کے خاتمے کا سوچنے والا اسرائیل خود مٹ جائے گا، اور ایسا ہونے والا ہے۔
ترک صدر رجب طیب اردوان نے یورپی کمیشن کی صدر ارسلا وان سے ملاقات کی ہے جس میں شام کی تعمیر نو اور مہاجرین کی واپسی کے لیے مل کر کام کرنے کا فیصلہ کیا گیا ہے۔ اقوام متحدہ کی سلامتی کونسل کا اجلاس بھی اسی تناظر میں ہوا ہے، جس میں شام کے لیے اقوام متحدہ کے نمائندے نے شام پر پابندیوں کے خاتمے کی ضرورت پر زور دیا۔
دوسری جانب اسرائیل کی جنوبی شام میں پیش قدمی کا سلسلہ حکوتم بدلنے کے بعد جاری ہے، اس دوران اسرائیلی فوج نے دریائے یرموک پر قبضہ کرنے کا دعویٰ بھی کر دیا ہے، جبکہ اسرائیلی افواج کی جانب سے مقبوضہ گولان کے علاقے قلمون میں بھی بمباری کی گئی ہے، جس سے تباہی اور ہلاکتوں کے بارے میں معلومات تاحال نہیں ملیں۔
