ویب ڈیسک: ملک کے دیگر اداروں کی طرح نیب بھی رائٹ سائزنگ کے نشانے پر آ گیا، وفاقی کا بینہ کے 27 اگست کے فیصلے کی روشنی میں نیب نے اپنے ادارے میں رائٹ سائزنگ کا بڑا فیصلہ کیا ہے۔ چیئرمین نیب کی جانب سے نیب میں 238 آسامیاں ختم کرنے کی منظوری دی گئی ہے.
اس میں گریڈ ایک سے گریڈ 19 تمام افسران کی پوسٹیں شامل ہیں۔ یاد رہے یکہ انہوں نے یہ منظوری بطور پرنسپل اکا ؤنٹنگ افسر اپنے اختیارات استعمال کرتے ہوئے دی ہے۔
ذرائع کے مطابق نیب میں 238 آسامیاں ختم کرنے کی منظوری دے دی گئی ہے، ان میں گریڈ 19 کی ایڈیشنل ڈائریکٹر کی 2، گریڈ 18 کی ڈپٹی ڈائریکٹر کی ایک، گریڈ 17 کی اسسٹنٹ ڈائریکٹر کی 58 اور گریڈ 16 کی ڈپٹی اسسٹنٹ ڈائریکٹر کی 8 پوسٹیں شامل ہیں۔
ان ختم کی جانے والی آسامیوں میں گریڈ 16 کی ڈیٹا کنٹرول سپروائزر کی 3، گریڈ 16 کی اسسٹنٹ پر ائیویٹ سیکرٹری کی 23گریڈ پندرہ کی ڈیٹا کنٹرول اسسٹنٹ کی ایک اور اسسٹنٹ کی بارہ پوسٹیں ختم کی گئی ہیں۔ یاد رہے کہ چیئرمین قومی احتساب بیورو نیب کی جانب سے نیب میں 238 آسامیاں ختم کرنے کی منظوری دی گئی ہے.
