ویب ڈیسک: بانی پی ٹی آئی اور سابق وزیراعظم عمران خان نے پی ٹی آئی کی مذاکراتی کمیٹی کو طلب کر لیا۔ مذاکراتی کمیٹی میں شامل تمام 7 ارکان کو اڈیالہ جیل ملاقات کے لیے بلایا گیا ہے تاکہ آگے کے معاملات کو سدھارا جا سکے۔
مذاکراتی کمیٹی میں اپوزیشن لیڈر عمر ایوب، وزیراعلیٰ خیبرپختونخوا علی امین گنڈاپور، اسد قیصر، حامد خان، ایڈووکیٹ سلمان اکرم راجا، علامہ راجا ناصر عباس اور حامد رضا خان شامل ہیں۔
بانی پی ٹی آئی کے وکیل فیصل چوہدری نے مذاکراتی کمیٹی کو طلب کرنے کے حوالے سے اڈیالہ جیل انتظامیہ کو درخواست دے دی ہے، مذاکراتی کمیٹی اور فیملی ممبران کی ملاقات سابق وزیراعظم سے آج متوقع ہے۔
