ویب ڈیسک: آئی سی سی چیمپئنز ٹرافی کے انعقاد کا معاملہ حل ہو گیا ہے، آئی سی سی کے مطابق چیمپئنز ٹرافی سمیت 2027 تک روایتی حریف نیوٹرل وینیوز پرٹکرائینگے، چمپئنز ٹرافی میںپاک بھارت میچز نیوٹرل وینیوز پر ہونگے، اس حوالے سے بھی معاملات طے پا گئے۔
انٹرنیشنل کرکٹ کونسل نے چیمپئنز ٹرافی 2025 کے حوالے سے پاکستان اور بھارت کے میچز کے حوالے سے تعطل کا بلآخر حل نکال لیا۔ اس حوالے سے ہونے والے معاہدے میں بتایا گیا ہے کہ 8 ٹیموں کے اس ایونٹ میں بھارت کے میچز غیر جانبدار مقام پر ہونگے۔
آئی سی سی اعلامیہ کے مطابق چمپئنز ٹرافی کے حوالے سے ہونے والے اس معاہدے کے بدلے میں آئی سی سی کے ان ایونٹس، جن کی میزبانی بھارت کرے گا وہ بھی نیوٹرل وینیو پر کھیلے جائیں گے۔ دوسری طرف پاکستاں 4 سال بعد 2028 کے ویمن ٹی 20 ورلڈ کپ کی میزبانی بھی کرے گا۔
2028 ویمن ٹی 20 ورلڈ کپ اگلے سائیکل کا پہلا آئی سی سی ایونٹ ہوگا، اور ویمن ٹی 20 ورلڈ کپ میں بھی پاکستاں بھارت کا فیوژن فارمولا اپلائی ہو سکتا ہے۔ 2027 تک دونوں ٹیمیں ایک دوسرے کے ملک میں آئی سی سی ایونٹ کا میچ نیوٹرل وینیو پر کھیلیں گی اور نیوٹرل وینیو کا انتخاب میزبان بورڈ کرے گا۔
رپورٹ کے مطابق پاکستاں اور بھارت کے درمیان معاہدے کو آئی سی سی بورڈ سے باضابطہ منظوری دلائی جائے گی۔ آئی سی سی نے ایک سہ فریقی ٹی ٹوئنٹی سیریز کی تجویز پر بھی آمادگی ظاہر کی ہے جس میں پاکستان، بھارت اور کسی اور ایشیائی فل ممبر یا ایسوسی ایٹ ممبر ٹیم کو شامل کیا جاسکتا ہے۔
یاد رہے کہ آخر کار بی سی سی آئی اپنی ضد پوری کر دیا، چیمپئنز ٹرافی کے انعقاد کا معاملہ ان کی مرضی کے مطابق حل ہو گیا ہے، آئی سی سی چیمپئنز ٹرافی کے انعقاد کا معاملہ حل ہو گیا ہے، آئی سی سی کے مطابق چیمپئنز ٹرافی سمیت 2027 تک روایتی حریف نیوٹرل وینیوز پرٹکرائینگے،
