ویب ڈیسک: پاکستان تحریک انصاف کے 26نومبر کے احتجاج کے دوران زخمی ہونے والا ایک اور رینجرز اہلکار شہید ہو گیا ۔
سکیورٹی ذرائع کے مطابق پنجاب رینجرز کے لانس نائیک محمد تنویر پی ٹی آئی احتجاج کے دوران پرتشدد کارروائی میں زخمی ہوئے تھے جس کی وجہ سے محمدتنویر کومہ کی حالت میں تھے۔
سکیورٹی ذرائع کا کہنا ہے کہ شرپسندوں کے حملوں سے رینجرز کے شہید اہلکاروں کی تعداد 4 ہوگئی ہے۔
لانس نائک محمد تنویر شہید کے سوگواروں میں اہلیہ، 2 بیٹے اور 3 بیٹیاں بھی شامل ہیں۔
خیال رہے کہ پی ٹی آئی کے 26 نومبر کے احتجاج کے دوران اسلام آباد میں سری نگر ہائی وے پر شرپسندوں نے رینجرز اہلکاروں پر گاڑی چڑھا دی تھی جس کے نتیجے میں 3 رینجرز اہلکار شہید ہوگئے تھے۔
اس کے علاوہ شرپسندوں کے حملوں میں پنجاب پولیس کے 2 اہلکار شہید اور 119 زخمی ہوئے تھے جبکہ اسلام آباد پولیس کے 11 اہلکار شدید زخمی ہوئے تھے۔
