ویب ڈیسک: پاکستان نے 3میچز کی ون ڈے سیریز کے دوسرے میچ میں جنوبی افریقا کو جیت کیلئے 330 رنز کا ہدف دیا ہے۔
کیپ ٹائون میں کھیلے جارہے میچ میں جنوبی افریقا کے کپتان ٹیمبا باووما نے ٹاس جیت کر پاکستان کو بیٹنگ کی دعوت دی۔
جنوبی افریقا کی دعوت پر پاکستان کی ٹیم 49.5اوورز میں 329رنز بناکر آؤٹ ہوئی۔
قومی ٹیم کی جانب سے صائم ایوب 25، عبداللہ شفیق صفر، بابر اعظم 73اور کپتان محمد رضوان 80رنز بناکر آؤٹ ہوگئے جبکہ سلمان علی آغا نے 33 رنز کی اننگز کھیلی۔
اختتامی اوورز میں کامران غلام نے 5چھکوں کی مدد سے 32 گیندوں پر 63رنز بنائے۔
عرفان خان نے 15، شاہین آفریدی نے 16، حارث رؤف نے 6 رنز اسکور کیے۔
دوسرے ون ڈے کیلئے جنوبی افریقا کی ٹیم میں 4 تبدیلیاں کی گئی ہیں جبکہ پاکستان ٹیم نے وننگ کمبینشن کو برقرار رکھا ہے اور کوئی تبدیلی نہیں کی۔
