ویب ڈیسک: موسم سرما رنگ دکھانے لگا، ملک کے بیشتر علاقوں میں شدید سردی اور برفباری سے پارہ منفی11 تک گر گیا۔ سب سے زیادہ سردی لہہ میں پڑی جہاں کا درجہ حرارت ملک بھر میں سب سے کم درجہ حرارت منفی 11 ڈگری سنٹی گریڈ تک گر گیا ہے۔ ذرائع کے مطابق سکردو میں درجہ حرارت منفی 9، زیارت میں منفی 8، کوئٹہ اور گلگت بلتستان میں منفی 7، استور اور دالبندین میں پارہ منفی 6 ڈگری سنٹی گریڈ تک گر گیا۔
ادھر شدید سردی کے باعث ملک کے مختلف شہروں میں دھند کا راج برقرار ہے، جس کے باعث موٹر ویز متعدد مقامات سے بند کر دی گئی۔ موٹروے ایم ون برہان انٹرچینج سے پشاور تک بند جبکہ ایم 2 ٹھوکر نیاز بیگ سے خانقاہ ڈوگراں تک بند کر دی گئی ہے۔
ترجمان موٹر وے پولیس کے مطابق موٹروے ایم 3 پر فیض پور سے رجانہ تک ٹریفک بند ہے، ایم 11 محمود بوٹی سے سمبڑیال تک دھند کے باعث بند کر دی گئی اور شہریوں کو غیر ضروری سفر سے گریز کی ہدایت کی گئی ہے۔ ضلع چارسدہ میں بھی شدید سردی اور دھند کے باعث موٹر سے ایم ون بند کر دی گئی ہے کیونکہ وہاں حد نگاہ بہت کم ہے، اس لئے حادثات سے بچنے کیلئے موٹرویز کو بند کیا گیا ہے۔
موسم سرما رنگ دکھانے لگا، ملک کے بیشتر علاقوں میں شدید سردی اور برفباری سے پارہ منفی11 تک گر گیا۔ سب سے زیادہ سردی لہہ میں پڑی.
