ویب ڈیسک: وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ اپیکس کمیٹی کے فیصلے کی روشنی میں کرم کو اسلحے سے پاک کیا جائے گا۔
انہوں نے کہا کہ نہ صرف ضلع کرم کو اسلحے پاک کیا جائے گا بلکہ اس کے ساتھ ساتھ بنکرز کی مسماری بھی یقینی بنائی جائیگی، تاکہ خطے میں پائیدار امن قائم ہو۔ انہوں نے کہا کہ راستوں کی بندش کی وجہ سے عوامی مسائل کا حکومت کو بخوبی ادراک ہے تاہم امن معاہدہ کے بعد معمولات زندگی بحال ہو جائینگے۔
مشیر اطلاعات کے مطابق بنکرز کی مکمل مسماری اور اسلحہ جمع کرانے کے بعد راستوں کو مکمل طور پر کھول دیا جائیگا۔ حکومت کرم میں پائیدار اور دیرپا امن چاہتی ہے، مگر کچھ عناصر کرم میں دیرپا امن کے دشمن ہیں اور سوشل میڈیا پر بے بنیاد پروپیگنڈے کررہے ہیں۔
بیرسٹر ڈاکٹر سیف نے کہا ہے کہ صوبائی حکومت کی مخلصانہ کوششوں کو غلط رنگ دیا جا رہا ہے، عوام سے درخواست ہے کہ سوشل میڈیا کے پروپیگنڈوں پر کان نہ دھریں۔ مشیر اطلاعات و تعلقات عامہ بیرسٹر ڈاکٹر سیف نے کہا ہے کہ اپیکس کمیٹی کے فیصلے کی روشنی میں کرم کو اسلحے سے پاک کیا جائے گا۔
