ویب ڈیسک: ڈی چوک اسلام آباد پر احتجاج کے حوالے سے سینیٹر شبلی فراز کی 5 مقدمات میں عبوری ضمانتیں منظور کر لی گئیں۔
تفصیلات کے مطابق وفاقی دارالحکومت اسلام آباد میں انسداد دہشت گردی عدالت میں سماعت ہوئی، اس دوران ڈی چوک احتجاج کیس میں سینیٹر شبلی فراز کی 5 مقدمات میں عبوری ضمانتیں منظور کر لی گئیں۔
پی ٹی آئی کے ڈی چوک احتجاج کے معاملے پرشبلی فراز کی 5 مقدمات میں درکواست ضمانت پر سماعت انسداد دہشت گردی عدالت کے جج ابوالحسنات ذوالقرنین نے کی۔
دوران سماعت عدالت نے 5، 5 ہزار روپے مچلکوں کے عوض رہنما پی ٹی آئی شبلی فراز کی عبوری ضمانتیں 17 جنوری تک منظور کر لیں۔ یاد رہے کہ شبلی فراز کیخلاف تھانہ مارگلہ، تھانہ ترنول، تھانہ آبپارہ اور تھانہ کوہسار میں 2 مقدمات درج ہیں۔
