ویب ڈیسک: پاکستان پیپلز پارٹی کے چیئرمین چیئرمین بلاول بھٹو زرداری نے کہا ہے کہ انٹرنیٹ موجودہ دور میں ایک بنیادی انسانی حق ہے اس سلسلے میں ہم ڈیجیٹل بل آف رائٹس لے کر آئیں گے ۔
جام شورو یونیورسٹی میں خطاب کرتے ہوئے بلاول بھٹو زرداری نے کہا کہ لوڈشیڈنگ ختم ہونے کے دعوے سے بڑا کوئی مذاق نہیں جو کہتے ہیں لوڈ شیڈنگ ختم ہوگئی وہ یہاں جام شورو آکر دیکھیں، ترقیاتی بجٹ بنانے والے لوگ ساٹھ سال کی عمر کے ہیں جو نوجوانوں اور ان کے مستقبل کا سوچتے ہی نہیں۔
انہوں نوجوانوں سے مطالبہ کیا کہ وہ ڈیجیٹل بل آف رائٹس لانے کے لیے آگے آئیں ہمیں ڈیجیٹل حقوق کے لیے قانون سازی کی جدوجہد کرنی ہوگی، وی پی این بند کرنے اور انٹرنیٹ سلو کرنے والوں کو اس سے کوئی فرق نہیں پڑتا اگر فرق پڑتا ہے تو آپ کو اور مجھے فرق پڑتا ہے انہیں نہیں پڑتا۔
چیئرمین پی پی نے کہا کہ فیس بک، ٹوئٹر اور انسٹا گرام پر مجھے ایڈ کرکے مجھے بتائیں تجاویز دیں کہ ہمارے بل آف رائٹس میں یہ یہ چیزیں موجود ہونی چاہئیں میں آپ کے مطالبات لے کر اسلام آباد جاں گا آپ جانتے ہیں وہ مشکل جگہ ہے مگر جب اچھی نیت سے محنت کی جائے تو مسائل کا حل ملتا ہے۔
بلاول بھٹو زرداری کا مزید کہنا تھا کہ 26ویں آئینی ترمیمی میں پہلی بار اچھے ماحول کو بنیادی انسانی حقوق کے طور پر شامل کیا گیا۔
