ویب ڈیسک: پاکستان میں پولیو کا ایک اور کیس رپورٹ ہو گیا، جس کے بعد پولیو کیسز کی مجموعی تعداد 65 ہوگئی۔
حکام کے مطابق بلوچستان کے ضلع قلعہ عبداللہ میں ڈیڑھ سال کا بچہ پولیو سے متاثر ہوا ہے، اس کیس کے منظر عام پر آنے کے بعد ملک بھر میں پولیو کیسز کی مجموعی تعداد 65 تک جا پہنچی ہے، جبکہ بلوچستان میں پولیو سے متاثرہ بچوں کی تعداد 27 ہو گئی۔
دوسری جانب ایمرجنسی آپریشن سینٹر کی جانب سے جاری بیان میں بتایا گیا تھا کہ بلوچستان میں انسداد پولیو مہم 30دسمبر سے شروع ہوگی۔ یاد رہے کہ ملک بھر میں رواں سال وائلڈ پولیو وائرس ٹائپ (ون) کے کیسز میں مسلسل اضافہ دیکھنے میں آ رہا ہے۔
یاد رہے کہ پاکستان میں پولیو کا ایک اور کیس رپورٹ ہو گیا، جس کے بعد پولیو کیسز کی مجموعی تعداد 65 ہوگئی۔
