ویب ڈیسک: ملک بھری میں سردی کی شدت میں اضافہ دیکھا جا رہا ہے، یہ سردی اس حد تک شدت اختیار کر گئی ہے کہ پائپ لائنوں میں بھی پانی جم گیا، اس کے علاوہ محکمہ موسمیات کی جانب سے جنوری کے دوسرے ہفتے میں سردی بڑھنے کا الارم بجا دیا گیا ہے۔
شمالی بلوچستان میں شدید سردی سے ندی نالوں میں بھی پانی جم کر رہ گیا ہے۔ خون جما دینے والی سردی کی وجہ سے زیارت، کوئٹہ اور قلات میں گیس پریشر میں بھی کمی آ گئی ہے جس سے شہریوں کو مشکلات کا سامنا کرنا پڑ رہا ہے۔ اب کی بار کراچی کے باسی بھی موسم سرما کا مزہ لینے لگے، کراچی میں سرد ہواؤں کے باعث ٹھنڈ بڑھ گئی ہے، جبکہ پنجاب بھر میں بھی شدید سردی کی لہر برقرار ہے، سردی کی شدت بڑھنے سے لوگوں نے لنڈا بازار کا رخ کر لیا ہے۔
ادھر مری میں برف باری کے بعد سردی کی شدت میں اضافہ ہو گیا ہے، جبکہ خیبر پختونخوا کے بالائی علاقوں میں وقفے وقفے سے برف باری کا سلسلہ جاری ہے، جس سے درجہ حرارت نقطہ انجماد سے بھی گر گیا۔
محکمہ موسمیات کی جانب سے بتایا گیا ہے کہ رواں سیزن میں بارش اور برف باری کم ہونے کی پیشگوئی کی گئی ہے، جبکہ جنوری کے دوسرے ہفتے سے سردی بڑھنے کا الارم بجا دیا گیا ہے۔ یاد رہے کہ ملک بھری میں سردی کی شدت میں اضافہ دیکھا جا رہا ہے، یہ سردی اس حد تک شدت اختیار کر گئی ہے کہ پائپ لائنوں میں بھی پانی جم گیا.
