ویب ڈیسک: پاکستان کرکٹ بورڈ نے جنوبی افریقا کے خلاف پہلے ٹیسٹ کے لیے قومی سکواڈ کا اعلان کردیا ہے۔
پلیئنگ الیون میں کپتان شان مسعود، صائم ایوب، بابر اعظم، کامران غلام، محمد رضوان، سعود شکیل، سلمان علی آغا، عامر جمال، نسیم شاہ، خرم شہزاد اور محمد عباس شامل ہیں۔
پاکستان چار فاسٹ بولرز کے ساتھ میدان میں اتریگا، تجربہ کار فاسٹ بولر محمد عباس کی 3سال بعد پلیئنگ الیون میں واپسی ہوئی ہے۔
محمد عباس نے اس سیزن میں قائداعظم ٹرافی کے پانچ میچوں میں 31وکٹوں کی عمدہ پرفارمنس کی وجہ سے ٹیسٹ اسکواڈ میں جگہ بنائی ہے۔
خیال رہے کہ پاکستان اور جنوبی افریقا کیدرمیان دو ٹیسٹ میچوں کی سیریز کل سے شروع ہو رہی ہے۔
سیریز پہلا ٹیسٹ سنچورین کے سپر اسپورٹس پارک میں کھیلا جانے والا باکسنگ ڈے ٹیسٹ میچ ہوگادوسرا ٹیسٹ 3 جنوری سے کیپ ٹاؤن میں کھیلا جائیگا۔
پاکستان ٹیم کو جنوبی افریقا کے اس دورے میں ٹی ٹوئنٹی سیریز میں دو صفر سے شکست ہوئی تھی لیکن اس نے ون ڈے سیریز میں جنوبی افریقا کی سرزمین پر تین صفر کا تاریخی وائٹ واش کیا جس کے بعد توقع کی جارہی ہے کہ آئی سی سی ورلڈ ٹیسٹ چیمپئن شپ کی یہ سیریز بھی دلچسپ اور سخت ہوگی۔
