ویب ڈیسک: وفاقی وزیر دفاع اور مسلم لیگ نون کے رہنما خواجہ آصف نے کہا ہے کہ عمران خان کی رہائی کا مطالبہ کرنیوالوں کو اسرائیل کی حمایت حاصل ہے، ٹرمپ کے نامزد ایلچی رچرڈ گرینل کے بیان پر ردعمل دیتے ہوئے ان کا مزید کہنا تھا کہ عمران خان کے لیے مغرب سے آواز اٹھانے والوں پر واضح ہونا چاہیے کہ پاکستانی قوم اپنے مفادات کا تحفظ کرنا جانتی ہے۔
انہوں نے کہا کہ ہماری اول و آخر ترجیح صرف اور صرف پاکستان ہے، عمران خان کی رہائی کا مطالبہ کرنیوالوں کو اسرائیل کی حمایت حاصل ہے، جس سے ظاہر ہوتا ہے کہ بانی پی ٹی آئی اسرائیلی اثاثہ ہیں، اسی ذریعے سے اسرائیلی واحد مسلمان ایٹمی قوت کو سرنِگوں کرانے کی کوشش کر رہے ہیں۔
