ویب ڈیسک: کرد جنگجووں کو ترک صدر اردوان کی وارننگ جاری، انہوں نے انتباہ دیتے ہوئے کہا ہے کہ ہتھیار پھینک دیں، یا پھر دفن ہونے کیلئے تیار ہو جائیں۔
ترک صدر رجب طیب اردوان نے اپنی جماعت کے قانون سازوں سے خطاب کرتے ہوئے کہا کہ ہم دہشت گرد تنظیموں کا صفایا کر دیں گے، یہ علیحدگی پسند قاتل اپنے ہتھیاروں کو الوداع کہہ دیں یا پھر انہیں شام کی سرزمین میں دفن ہونا ہوگا، یہ ہمارے اور ہمارے کرد بھائیوں کے درمیان خون کی ہولی کھیلنا چاہتے ہیں۔
ترک صدر کا مؤقف ہے کہ کردوں کی جماعت وائے پی جی سے وابستہ جنگجو ہی سیرین ڈیموکریٹک فورس کے اہم عناصر ہیں اور یہ غیرقانونی کردستان ورکرز پارٹی جو کہ ایک مسلح گروہ تھا کا حصہ ہیں جو 1984ء سے ترک ریاست کے خلاف مسلح کارروائیاں کر رہی ہے۔
ترکیہ کے علاوہ امریکہ و یورپی یونین نے بھی ان وائے پی جی کو دہشت گرد تنظیم قرار دے رکھا ہے، اب ترکیہ کا امریکہ سے مطالبہ ہے کہ وہ اور اس کے اتحادی وائے پی جی کی حمایت ختم کریں۔ کرد جنگجووں کو ترک صدر اردوان کی وارننگ جاری، انہوں نے انتباہ دیتے ہوئے کہا ہے کہ ہتھیار پھینک دیں، یا پھر دفن ہونے کیلئے تیار ہو جائیں۔
