ویب ڈیسک: صدرمملکت آصف علی زرداری نے کہا ہے کہ مشکلات ہیں مگر میرے لیے نئی نہیں ہیںعوام فکر نہ کریں سب دیکھ لوں گا ۔
ڑھی خدابخش میں بے نظیر بھٹو کی برسی کے موقع پر منعقدہ جلسے سے خطاب کرتے ہوئے صدرمملکت آصف علی زرداری نے کہا کہ اگر کوئی سپر پاور ہے تو اللہ تعالیٰ ہی سپر پاور ہے ،ہم ملک کو مشکلات نکالیں گے۔
صدرمملکت نے کہاکہ اگرآج میں دوبارہ صدر ہوں تو عوام کی دعائیں، بی بی کی دعائیں، اور پارٹی کی طاقت ہے،ہم نے گڑھی خدا بخش کی دھرتی کی قسم کھائی ہوئی ہے کہ ہم جو بھی کام کریں گے اس کے لیے عوام کو اور اس دھرتی کو جواب دہ ہیں۔
انہوں نے کہا کہ ہم نے پاکستان کو بچانا ہے، اگر کوئی سپرپاور ہے تو اللہ تعالیٰ ہی سپرپاور ہے، جس پر ہم یقین رکھتے ہیں، اور انشااللہ اللہ تعالی کے فضل و کرم اور آپ کی دعائوں سے ہم ان مشکل حالات سے پاکستان کو نکالیں گے۔
آصف علی زرداری نے کہا کہ ہم نے 45 سالہ بعد بھٹو صاحب کا فیصلہ ریورس کرواکر ثابت کردیا کہ وہ ایک عدالتی قتل تھا، اور اب اسے عدالتی قتل ہی سمجھا جائے گا۔
صدر مملکت نے اپنے خطاب میں کہا اکہ آپ کو خوش خبریاں دیں گے یہ ہمارا کچھ نہیں بگاڑ سکتے، ہم ہر چیز کو سنبھالیں گے اور ہرچیز کو ٹھیک رکھیں گے۔
انہوں نے مزید کہا کہ ہاں مشکلیں ہیں، تکالیف ہیں مگر یہ میرے لیے کوئی نئی بات نہیں ہے، آپ سے بھی کہتا ہوں کہ کوئی پروا کرنے کی ضرورت نہیں۔
آصف علی زرداری نے کہا کہ نہ آپ کا پانی کہیں جائے گا، نہ آپ کی گیس کہیں جائے گی، سب آپ کو ملے گا، جو آپ کا حق ہے، جو دوسرے صوبے کا حق ہے وہ ان کو ملے گا۔
