ویب ڈیسک: سابق وزیراعظم اور پیپلزپارٹی کی چیئرپرسن بینظیر بھٹو کے قتل کو17سال بیت گئے مگر پراسرار قتل کا معمہ تاحال حل طلب ہے ۔
سابق وزیراعظم بینظیر بھٹو کو 27 دسمبر 2007لیاقت باغ میں انتخابی جلسہ سے خطاب کے بعد واپس جاتے ہوئے پراسرار انداز میں شہید کیا گیا تھا ۔
اہم قتل کیس کی انکوائری اقوام متحدہ، سکاٹ لینڈ یارڈ ، ایف آئی اے اور پنجاب پولیس نے کیں مگر قاتل کا سراغ لگانے میں چاروں ناکام رہے۔
10 برس تک مقدمہ انسداد دہشت گردی کی خصوصی عدالت راولپنڈی میں پڑا رہا اب لاہور ہائیکورٹ راولپنڈی بنچ میں 7 سال سے چیونٹی کی طرح رینگ رہا ہے۔
رواں سال2024میں ہائی کورٹ اس کیس کی ایک بار شنوائی ہوئی وکلا کی عدم حاضری باعث سماعت دوبارہ غیر معینہ مدت تک ملتوی ہوگئی، یہ ہائی کورٹ میں سب سے پرانی قتل اپیل رہ گئی ہے۔
