ویب ڈیسک: ملک میں سونا سستا ہو گیا ،قیمت میں 800روپے کی کمی کے بعد فی تولہ سونا 2 لاکھ 73 ہزار 200 روپے کا ہوگیا۔
10 گرام سونے کی قیمت میں 686 روپے کی کمی ہوئی جس کے بعد 10 گرام سونا2 لاکھ 34 ہزار 225 روپے کا ہوگیا۔
عالمی سطح پر بھی سونے کی قیمت میں کمی دیکھنے میں آئی جہاں عالمی مارکیٹ میں سونے کی قیمت 8 ڈالر کم ہو کر 2620 ڈالر فی اونس تک پہنچ گئی ہے۔
دوسری جانب ورلڈ گولڈ کونسل کے حالیہ اعداد و شمار کے مطابق دنیا میں سب سے زیادہ سونے کے ذخائر رکھنے والا ملک امریکا ہے جس کے پاس 8133 ٹن سونا ہے۔
فہرست میں جرمنی 3352 ٹن سونے کے ذخائر کے ساتھ دوسرے، اٹلی 2451 ٹن سونے کے ذخائر کے ساتھ تیسرے، فرانس 2436ٹن سونے کے ذخائر کے ساتھ چوتھے، روس 2332 ٹن سونے کے ذخائر کے ساتھ پانچویںنمبر پر ہے ۔
اسی طرح چین2191 ٹن سونے کے ذخائر کے ساتھ چھٹے، سوئٹزرلینڈ 1040 ٹن سونے کے ذخائر کے ساتھ ساتویں، جاپان 845 ٹن سونے کے ذخائر کے ساتھ آٹھویں، بھارت 800 ٹن سونے کے ذخائر کے ساتھ نویں جبکہ نیدرلینڈز 612 ٹن سونے کے ذخائر کے ساتھ دسویں نمبر پر ہے۔
ورلڈ گولڈ کونسل کے حالیہ اعداد و شمار کے مطابق پاکستان 64 ٹن سونے کے ذخائر کے ساتھ فہرست میں 46 ویں نمبر پر ہے۔
