ویب ڈیسک: وفاقی وزیر دفاع خواجہ آصف نے کہا ہے کہ 9مئی کے ماسٹرمائنڈ کو سزاء ملنے تک انصاف نامکمل رہے گا، دیگر ممالک میں جس طرح تیز ترین انصاف ہوتا ہے، وہی طریقہ اپنانا ہوگا۔
سماجی رابطوں کی ویب سائٹ ایکس پر اپنے ایک پیغام میں وزیر دفاع کا کہنا تھا کہ ڈی جی آئی ایس پی آر کی بریفنگ جعلی بیانیے کے پھیلاؤ کے خلاف پاکستان کے پرعزم موقف کو اجاگر کرتی ہے۔
انہوں نے کہا کہ مجرموں کو برطانیہ، فرانس اور امریکا میں جس طرح انصاف کے کٹہرے میں لانے کے لیے فوری کارروائی کی جاتی ہے، اسی طرح یہاں بھی ہونا چاہئے، 9مئی کے ماسٹرمائنڈ کو سزاء ملنے تک انصاف نامکمل رہے گا۔
مسلم لیگ نون کے رہنما کا مزید کہنا تھا کہ پاکستان میں استحکام اور انصاف کے لیے فوری اور فیصلہ کن اقدام ضروری ہے، جب تک ایسا نہیں کیا جاتا انصاف نامکمل رہے گا۔
