ویب ڈیسک: حکومت نے وفاقی کابینہ میں توسیع کا فیصلہ کر لیا جس کے لئے وزیراعظم شہباز شریف نے مشاورت مکمل کرلی ۔
ذرائع کے مطابق وفاقی کابینہ میں توسیع کے سلسلے میں ڈاکٹر طارق فضل چودھری، حنیف عباسی، طلال چوہدری کو وفاقی وزیر بنایا جائے گا، ڈاکٹر توقیر شاہ کو وزیراعظم شہباز شریف کا مشیر لگائے جانے کا امکان ہے۔
ذرائع نے مزید بتایا کہ تینوں وزرا اور مشیر کی کل پیر کے روز حلف برداری ہونے کا امکان ہے۔
واضح رہے کہ وفاقی کابینہ فی الوقت 18 ارکان پر مشتمل ہے جبکہ حکومت کے قلمدانوں کی مجموعی تعداد 33 ہے۔
دو وزرائے مملکت ، تین خصوصی معاونین اور ایک مشیر وفاقی حکومت کا حصہ ہیں۔
