ویب ڈیسک: جنوبی کوریا میں مسافر طیارے کا خوفناک حادثہ رونما ہوا، اس دوران 179 افراد ہلاک ہو گئے، مسافر طیارے کو حادثہ اس وقت پیش آیا جب وہ لینڈنگ کر رہا تھا، حادثہ میں 2 افراد کو بچا لیا گیا۔
ذرائع کے مطابق جنوبی کوریا کے مسافر طیارے کو پیش آنے والے حادثے میں 179 افراد کی ہلاکت کی تصدیق کر دی گئی ہے۔ اس حوالے سے بتایا گیا ہے کہ جنوبی کوریا میں مسافر طیار کا خوفناک حادثہ لینڈنگ کے دوران پیش آیا۔
لینڈنگ کے دوران طیارہ رن وے سے اتر کر رن وے کے گرد لگی میں جا گھسا، جس سے طیارے میں آگ بھڑک اٹھی، اور اس کے بعد پورا طیارہ جل کر راکھ ہو گیا، حادثہ کے فوری بعد ایمرجنسی عملے نے طیارے میں لگی آگ بجھا دی۔ یاد رہے کہ حادثہ جنوبی کوریا موان ائیرپورٹ پر پیش آیا۔
اس حوالے سے جاری رپورٹ میں بتایا گیا ہے کہ جنوبی کورین ائیرلائن کے طیارے میں 175 مسافر اور 6 فلائٹ اٹینڈنٹ سوار تھے، جبکہ طیارہ تھائی لینڈ کے شہر بنکاک سے واپس آرہا تھا کہ اس دوران حادثے کا شکار ہو گیا۔ حادثے کا شکار ہونے والے مسافروں میں تھائی لینڈ کے دو شہری بھی شامل ہیں جبکہ باقی کا تعلق جنوبی کوریا سے ہے۔
یاد رہے کہ موان ائیر پورٹ طیارہ حادثہ 1997 کے بعد سے کسی بھی جنوبی کوریائی ائیر لائن کا بدترین حادثہ ہے، 1997 کے طیارہ حادثے میں 200 سے زائد افراد ہلاک ہوئے تھے۔ حالیہ حادثہ جنوبی کوریا میں مسافر طیارے کا خوفناک حادثہ تھا، اس دوران 179 افراد ہلاک ہوئے ہیں.
