ویب ڈیسک: کرم معاہدے پر ڈیڈلاک ختم ہونے کا امکان ظاہر کیا جانے لگا ہے، اس حوالے سے بتایا گیا ہے کہ دونوں جانب معاہدے پر دستخط کرنے کیلئے فریقین رضامند ہو گئے۔
تفصیلات کے مطابق برف پگھلنے لگی، کرم معاہدے پر ڈیڈلاک ختم، ہر دو جانب معاہدے پر دستخط کرنے کیلئے فریقین تضامند ہو گئے ہیں۔ کرم کے معاملے پر امن جرگہ کل بروز منگل دوبارہ منعقد ہوگا۔
اس حوالے سے بتایا جا رہا ہے کہ عمائدین امن معاہدے پر دستخط کرنے پر راضی ہو گئے ہیں، جس کے بعد امن معاہدے میں ڈیڈ لاک ختم ہونے کا امکان ہے۔ ذرائع کے مطابق امن جرگہ تاحال کوئی حتمی فیصلہ نہیں کر سکا، کیونکہ ایک فریق کی جانب سے امن معاہدے پر تاحال دستخط نہیں کیے گئے۔
اس کے بعد کل سے حکومتی اراکین اور عمائدین ایک بار پھر سر جوڑ کر بیٹھیں گے، امن جرگے میں تنازع کے حل کی امید ظاہر کی جا رہی ہے کیونکہ فریقین مسودے پر دستخط کرنے کیلئَے راضی ہو گئے۔
ذرائع کے مطابق ایک فریق نے کرم معاہدے کے حعالے سے مشاورت کیلئے وقت مانگا تھا۔ تاہم اب امن معاہدے کے مسودے پر دستخط کے لیے عمائدین کو راضی کر لیا گیا ہے۔
یاد رہے کہ پشاور تا پاراچنار مرکزی شاہراہ ڈھائی ماہ سے زائد عرصہ سے بند ہے، جس کی وجہ سے علاقہ میں بہت مشکلات ہیں، اسی حوالے سے مقامی افراد گزشتہ 9 دنوں سے دھرنا بھِ دیئَ بیٹھے ہیں۔
