ویب ڈیسک: جنوبی کوریا میں مار لگائے جانے کی تحقیقات کیلئے معطل صدر یون سک یول کے وارنٹ گرفتاری جاری کردیئے گئے ۔
غیر ملکی خبر ایجنسی کے مطابق جنوبی کوریا میں مارشل لا سے متعلق تحقیقات کرنے والے جوائنٹ انویسٹی گیشن یونٹ نے سابق صدر یون سک یول کے وارنٹ گرفتاری کی درخواست کی تھی۔
مارشل لا کے نفاذ پرپارلیمنٹ کے مواخذے کے بعد یون سک یول صدارت کے عہدے سے معطل ہیں مواخذے کی توثیق کیلئے آئینی عدالت کا حکم آنا ابھی باقی ہے۔
سابق صدر کے وکیل کا کہنا ہے کہ یون سک یول کے گرفتاری کے وارنٹ غیرقانونی ہیں۔
خبر ایجنسی کے مطابق جنوبی کوریا میں 3 دسمبر کا مارشل لا بغاوت کے مترادف تھا یا نہیں اس کی تحقیقات چل رہی ہیں اور یون سک یول پولیس اور کرپشن انویسٹی گیشن یونٹ کے سوالوں کے جواب دینے میں ناکام رہے تھے۔
جنوبی کوریا میں یہ پہلی مرتبہ ہوا ہے کہ کسی صدر کے وارنٹ گرفتاری جاری کیے گئے اور جنوبی کوریا کے آئین کے مطابق صدر کو بھی بغاوت کے کیس میں استثنی حاصل نہیں ہے۔
